يعنى إية إختلاف
إختلاف يعنى عدم توافق عدة اراء ... العملية دى بينتج عنها الإختلافطب ما تييجوا نتعلم ازاى نختلف و نحب بعض و نحترم بعض
سواء كنت مسلم او مسيحى
اخوان او ليبرالى
اهلاوى او زملكاوى
بتحب تامر حسنى ولا عمرو دياب
اى حاجة .. المهم إزاى نحب بعض
اول حاجة: انا صحيح مختلف معاك .. بس متفق معاك فى حاجات كتير
زى الثوابت .. ربنا موجود ... الدنيا موجودة .. و حاجات تانية كتير
تانى حاجة: اختلافك معايا حيزيدنى ثقافة فى التعامل مع الأخر
يعنى انا ازاى حعرف انى صح من غير ما اشوف الغلط و اتعامل معاة
تالت حاجة: انا و انت ممكن نكون صح رغم اختلافنا
يعنى اروح المطار من صلاح سالم و لا اروح من مدينة نصر
رابع حاجة: الاختلاف اللى من غير تعنت ولا حكر فى الرأى بيكون اختلاف صحى
يعنى تقدر تناقشة من غير فتنة او حساسية
خامس حاجة: لازم بجد نحب بعض الفترة دى .. مش لازم نقول شعارات و نحط الهلال جنب الصليب علشان نثبت اننا بخير و بنحب بعض
بس لازم نعرف ان ربنا كان ممكن يخلى كل اللى على الأرض مسلمين او مسيحين او بوذيين ... او كان يخلى الناس كلها بتاكل نفس الأكل و تشرب نفس الشرب و تلبس نفس اللبس ... و دة موجود فى جنينة الحيوانات
No comments:
Post a Comment